Кіліян Мбапэ зламаў нос падчас матчу з Аўстрыяй ФОТАФАКТ
Форвард, якому прадракалі званне найлепшага бамбардзіра турніру, можа не згуляць у наступным паядынках, або выходзіць на поле ў масцы.
18.06.2024 / 08:19
Alessandra Tarantino / AP
На чэмпіянатах Еўропы экс-форвард ПСЖ пакуль не забівае, тады як на двух чэмпіянатах свету ў яго 14 мячоў, у тым ліку восем на мінулым у тым ліку тры ў фінале з Аргенцінай.
Учора дзякуючы прастрэлу Кіліяна Максімільян Вебэр зрэзаў мяч у свае вароты.
На 85-й хвіліне Мбапэ спрабаваў галавой замкнуць падачу Грызмана са штрафнога, але выпадкова ўрэзаўся носам у плячо Дансо.
Француз каля двух хвілін ляжаў на газоне, яго нос быў разбіты ў кроў, а футболка была запэцканая.
Мбапэ рваўся на поле: ён без дазволу галоўнага арбітра выйшаў на газон і атрымаў жоўтую картку. Потым зноў ухапіўся за нос і канчаткова пакінуў поле.
Форвард, якому прадракалі званне найлепшага бамбардзіра турніру, можа не згуляць у наступным паядынках, або, хутчэй за ўсё, будзе выходзіць на поле ў масцы.
Наступны матч Францыя згуляе ў пятніцу супраць Нідэрландаў, абедзве каманды выйгралі ў першым туры.
Францыя перамагла Аўстрыю дзякуючы аўтаголу суперніка ВІДЭА
Румынія разграміла Украіну з лікам 3:0 ВІДЭА
З кім могуць сустрэцца мінскае «Дынама», «Тарпеда-БелАЗ» і «Іслач» ў еўракубках