Pałačanin prapanavaŭ siabroŭcy kinuć nož jamu ŭ žyvot. Taja pahadziłasia i atrymała kryminałku
Viečaryna pierarasła ŭ niebiaśpiečny «darts».
17.06.2024 / 14:54
Kampanija z dvuch mužčyn i dźviuch žančyn zładziła viečarynu z ałkaholem u kvatery 34-hadovaha žychara Połacka. U jakaści zabavy vyrašyli zhulać u darts.
Naboru dla hulni ŭ kampanii nie było, tamu vykrucilisia, jak mahli — uziali apracoŭčuju došku i nož. Adnak haspadaru kvatery i takaja hulnia padałasia sumnaj. Jon prydumaŭ bolš ekstremalnuju hulniu.
Mužčyna źniaŭ majku i prapanavaŭ 32-hadovaj hości kinuć nož jamu ŭ žyvot. Žančyna niekalki razoŭ pramazała, paśla čaho ŭźnikła svarka. U vyniku, hościa prosta ŭziała nož i ŭsadziła jaho ŭ žyvot haspadaru doma.
U dačynieńni da žančyny raspačali kryminalnuju spravu — za naŭmysnaje pryčynieńnie ciažkaha cialesnaha paškodžańnia. Pra stan mužčyny milicyja nie paviedamlaje.