У сераду будзе да +32°, а ў чацвер істотна пахаладае
Надвор'е на 18—20 чэрвеня.
17.06.2024 / 11:27
Ілюстрацыйнае фота «Наша Ніва»
У ноч на 18 чэрвеня месцамі, днём пераважна па паўднёва-заходняй палове краіны чакаюцца кароткачасовыя дажджы, у асобных раёнах навальніцы. Ноччу +12..+18°С, максімальная днём +24..+29°С
У сераду днём на большай частцы тэрыторыі краіны пройдуць кароткачасовыя дажджы. У асобных раёнах прагрымяць навальніцы, у дзённы час месцамі чакаюцца моцныя дажджы, магчымы град. Вецер месцамі моцны парывісты.
Ноччу +12..+18°С, максімальная днём +23..+30°С, па поўдні Беларусі паветра прагрэецца да +32°С.
У чацвер пахаладае. Уначы на большай частцы тэрыторыі, днём месцамі па краіне пройдуць кароткачасовыя дажджы. У асобных раёнах прагрымяць навальніцы. Вецер месцамі моцны парывісты. Ноччу +10..+17°С, максімальная днём +17..+23°С.
Gismeteo.by