Siłaviki pachvalilisia masavaj začystkaj na zavodzie ŭ Lidzie

Prynamsi piaciora pracaŭnikoŭ mietałatkanaha zavoda Haver BY byli zatrymanyja ŭ vyniku rejdu.

16.06.2024 / 22:37

Pra heta 16 červienia paviedamiŭ adzin z kanałaŭ siłavikoŭ. 

Zatrymańnie pracaŭnika zavoda Haver BY. Červień 2024 hoda, Lida. Skrynšot videa

Jak paviedamili prapahandysty, na pryvatnym pradpryjemstvie 14 červienia prajšła «adpracoŭka ekstremistaŭ». U apublikavanym roliku bačna, jak siłaviki z aŭtamatami i ŭ poŭnym abmundziravańni ŭryvalisia ŭ cechi, adciahvali rabočych ad stankoŭ, układvali na ziamlu i zavodzili ruki za śpinu.

Na jakoj padstavie byli zatrymanyja rabotniki i jaki ich pracesualny status — nie paviedamlajecca.

@nashanivanews Siłaviki chvalacca masavymi zatrymańniami ŭ Lidzie #lida #lida #našaniva #biełaruśnovosti #biełorusy #milicijabiełarusi ♬ Crime Scene - Avery Alexander

TAA «CHAVIER BY mietałatkany zavod» — daččynaje pradpryjemstva niamieckaha kancerna Haver & Boecker OHG, paviedamlajecca na sajcie pradpryjemstva. Zavod zajmajecca vytvorčaściu mietaličnych sietak.

MUS paćvierdziła aryšt top-mieniedžara čyhunki z $3 miljonami, a paśla vydaliła navinu z usich kanałaŭ. Što zdaryłasia?

U Biarozaŭcy znoŭ zatrymali naziralnicu za vybarami 2020 hoda

Pa danosie Bondaravaj zatrymany suzasnavalnik ivent-ahienctva «Ružovaja ziebra» 

Nashaniva.com