Zialenski nazvaŭ umovu miru z Rasijaj
«Rasija choć zaŭtra moža pačać z nami pieramovy».
16.06.2024 / 18:33
Uładzimir Zialenski na pres-kanfierencyi pa vynikach mirnaha samitu ŭ Šviejcaryi. Skrynšot tranślacyi
Rasija moža choć zaŭtra pačać mirnyja pieramovy z Kijevam, kali vyviedzie vojski z ukrainskich terytoryj, paviedamiŭ prezident Ukrainy Uładzimir Zialenski na pres-kanfierencyi pa vynikach mirnaha samitu ŭ Šviejcaryi.
«Rasija choć zaŭtra moža pačać z nami pieramovy, kali jaje vojski vyjduć z našych terytoryj», — zajaviŭ Uładzimir Zialenski.
Ukrainski lidar taksama prakamientavaŭ umovy dla mirnych pieramovaŭ, jakija pierad pačatkam mirnaha samitu vyłučyŭ Uładzimir Pucin: vyvieści vojski z Danieckaj, Łuhanskaj, Zaparožskaj i Chiersonskaj abłaściej, niejtralny status Ukrainy, jaje «demilitaryzacyja» i «denacyfikacyja».
«Tut, za kulisami, amal usie kazali, što adnym hetym mesedžam Pucin pieradaŭ usiamu śvietu, što ŭsio, što jon da hetaha kazaŭ pra žadańnie skončyć vajnu, pamnožana na nul. Pra heta kazali ŭsie krainy, navat tyja, jakija majuć inšy pohlad ci mieli. I heta taksama vialiki pośpiech. Časam pamyłki voraha — heta taksama pośpiech», — prakamientavaŭ ultymatum Pucina Zialenski.
Akramia taho, prezident Ukrainy zajaviŭ, što prysutnaść Rasii na druhim mirnym samicie budzie aznačać, što Maskva choča miru i što jana vyrašyła skončyć vajnu.
«Ci sama jana hetaha zachoča, ci jaje prymusić suśvietnaja supolnaść — dla nas usio roŭna. Dla nas važny vynik — zakančeńnie hetaj vajny», — zajaviŭ Zialenski.
Udzieł u Samicie miru paćvierdzili kala 90 krain i mižnarodnych arhanizacyj
Zialenski ŭhavaryŭ Saudaŭskuju Araviju ŭziać udzieł u Samicie miru