U Niderłandach zatrymali biełarusa, jaki z nažom nakinuŭsia na ludziej
Jon paśpieŭ paranić traich mužčyn.
16.06.2024 / 18:02
Fota: rtvoost.nl
44-hadovy hramadzianin Biełarusi zatrymany ŭ Niderłandach pa padazreńni ŭ naniasieńni nažavych ranieńniaŭ traim mužčynam, paviedamlaje partał rtvoost.nl.
Pavodle infarmacyi vydańnia, incydent adbyŭsia ŭ horadzie Devienter.
Adznačajecca, što ŭ pamiaškańni transpartnaj kampanii pačałasia bojka, padčas jakoj adzin z udzielnikaŭ «schapiŭ nož i razmachvaŭ im».
Siarod paciarpiełych dvoje zamiežnikaŭ 46 i 38 hadoŭ, a taksama 43-hadovy miascovy žychar. Padkreślivajecca, što jany atrymali lohkija ranieńni, ale byli špitalizavanyja.
Padazravany biełarus uciok ź miesca zdareńnia, jaho zatrymali ŭviečary 16 červienia.
Pravodzicca rasśledavańnie, palicyjaj apytanyja śviedki i prahledžanyja zapisy kamier.