Польскія памежнікі сустрэліся з зубрам на мяжы з Беларуссю – і патрапілі ў лякарню
Польскі памежны патруль атрымаў сігнал аб спробе прарыву мігрантаў з тэрыторыі Беларусі. Пагранічнікі адправіліся на дапамогу на аўтамабілі, аднак не дабраліся да мэты.
16.06.2024 / 12:52
Ілюстрацыйны здымак. Фота: Мінпрыроды
Па дарозе памежнікі сустрэлі зубра. Жывёла рэзка выскачыла на дарогу перад машынай. Памежнікам прыйшлося рэзка тармазіць, і аўтамабіль перавярнуўся, паведамляе TVN24.
Ваеннаслужачых шпіталізавалі ў аддзяленне хуткай дапамогі ў Гайнаўцы з лёгкімі траўмамі, яны ўжо пакінулі сцены бальніцы.
З зубрам таксама ўсё ў парадку — ён адразу ж пабег па сваіх справах.
Жыхароў Польшчы заклікаюць паведамляць аб падазроных людзях ля «буфернай зоны»
Прэзідэнт Польшчы згадаў Беларусь сярод неабходных краін у зоне бяспекі Ініцыятывы трох мораў
Стала вядома, на колькі год дэпартаванаму з Польшчы беларусу забаранілі ўезд у ЕС