Aŭtobus jechaŭ na ekskursiju z Baranavičaŭ u Turaŭ. Stała viadoma, što za aŭtobus pałaŭ na trasie pad Łunincam
Pablizu Łuninca na trasie M10 16 červienia kala 9 hadzin ranicy zahareŭsia aŭtobus. U im jechali 45 čałaviek. Videa zdareńnia zjaviłasia ŭ sacyjalnych sietkach.
16.06.2024 / 11:37
«Pasažyry pakinuli transpartny srodak samastojna, paciarpiełych niama. Pažar likvidavany», — raspaviała aficyjnaja pradstaŭnica abłasnoj upravy MNS Iryna Tukaj.
Kala pałajučaha aŭtobusa prykładna na paŭhadziny pierakryvaŭsia ruch.
Aŭtobus — zakazny, pasažyry jechali na ekskursiju z Baranavičaŭ u Turaŭ.
«Jak kažuć pasažyry, jany pačuli chłapok i adbyłosia ŭzharańnie ŭ zadniaj častcy aŭtobusa ŭ rajonie ruchavika. U aŭtobusie znachodzilisia 45 čałaviek», — rastłumačyli ŭ abłasnym upraŭleńni DAI.
U rasijskim horadzie znoŭ zahareŭsia aŭtobus MAZ
U Rahačoŭskim rajonie lesavoz naśmierć źbiŭ dziaŭčynku