Najvyšejšyja bały ŭ 81 abituryjenta. Stali viadomyja vyniki CT ad 27 i 30 maja
U centralizavanym teściravańni pa profilnych vučebnych pradmietach 27 maja ŭziali ŭdzieł 6,7 tysiač čałaviek. U CT pa ruskaj i biełaruskaj movach 30 maja — 9,6 tysiač.
14.06.2024 / 15:43
U tym liku 8,1 tysiač pa ruskaj movie, 1,5 tysiač pa biełaruskaj movie.
«Maksimalna mahčymy vynik 100 bałaŭ pa dziaržaŭnych movach u hetyja dni ŭdałosia atrymać 26 abituryjentam, u tym liku 20 — pa ruskaj movie, 6 — pa biełaruskaj movie.
Maksimalna mahčymy vynik 100 bałaŭ pa profilnych vučebnych pradmietach u hetyja dni ŭdałosia atrymać 55 abituryjentam, u tym liku 14 — pa matematycy. Siaredni testavy bał pa ruskaj movie skłaŭ 50,1 bała, pa biełaruskaj movie — 46 bałaŭ», — prainfarmavali ŭ pres-słužbie Minadukacyi.
Abituryjenty, jakija nie zmahli ŭziać udzieł u centralizavanym teściravańni ŭ asnoŭnyja terminy, zmohuć prajści jaho ŭ reziervovyja dni. Sioleta praduhledžany reziervovyja dni praviadzieńnia CT 19, 21 i 23 červienia.
Rehistracyja dla ŭdziełu ŭ CT u reziervovyja dni zaviaršajecca 14 červienia.