«U Biełarusi heta sapraŭdy raskoša». MZS Armienii tonka patroliła Łukašenku ŭ adkaz na słovy Hłaza
I nakiravała Minsku notu pratestu.
14.06.2024 / 15:09
Ani Badalan. Fota: MZS Armienii
MZS Armienii nakiravała Biełarusi aficyjnuju notu pratestu ŭ adkaz na vykazvańnie pres-sakratara MZS Biełarusi Anatola Hłaza.
Napiaredadni Hłaz, kamientujučy pastanovu Jerevana adklikać pasła ź Minska dla kansultacyj, pažadaŭ armianskamu narodu «kiraŭnikoŭ, jakija ŭ pieršuju čarhu buduć dumać pra budučyniu svajoj krainy i hramadzian».
Jaho kaleha z armianskaha MZS Ani Badalan zajaviła, što Jerevan nakiravaŭ Minsku aficyjnuju notu pratestu, piša news.am.
«Dadamo, što pažadańnie mieć kiraŭnikoŭ, jakija dumali b pra budučyniu svajoj krainy, moža zychodzić ad taho, chto sam hetym vałodaje. U vypadku ź Biełaruśsiu na hety momant heta sapraŭdy raskoša», — adznačyła Badalan.
Premjer-ministr Armienii Nikoł Pašynian raniej zajaviŭ, što bolš nie pryjedzie ŭ Biełaruś, pakul tam kiruje Łukašenka.
Pašynian: Ja nie naviedaju Biełaruś, pakul prezidentam budzie Łukašenka
Pasła Armienii ŭ Biełarusi adklikali ŭ Jerevan dla kansultacyj
Biełaruś adklikaje pasła z Armienii dla kansultacyj