У Мінску кур'ер даставіў ежу і скраў ровар
У міліцыю звярнуўся мужчына, які расказаў, што ў яго скралі ровар.
12.06.2024 / 15:10
Высветлілася, што яго скраў кур’ер адной са службаў дастаўкі, паведамляе сталічная міліцыя.
Ён прывёз замову і на лесвічнай пляцоўцы першага паверха заўважыў ровар. Выканаўшы дастаўку, на зваротным шляху мужчына забраў ровар з сабой.
Затрыманы растлумачыў, што транспартны сродак планаваў выкарыстоўваць у асабістых мэтах.
Распачата крымінальная справа за крадзеж.