Paśla zamachu pamior mer ukrainskaha Kupianska, jaki zdaŭ horad Rasii
U maskoŭskaj balnicy, tak i nie aprytomnieŭšy, 10 červienia pamior były mer Kupianska na Charkaŭščynie Hienadź Macehora, jaki paśla pačatku poŭnamaštabnaj rasijskaj ahresii va Ukrainie pierajšoŭ na bok voraha. 8 červienia na jaho byŭ ździejśnieny zamach.
11.06.2024 / 18:29
Hienadź Macehora
U Macehoru stralali kala jahonaha doma ŭ Starym Askole Biełharadskaj vobłaści 8 červienia. Paśla taho jon byŭ, jak vyjaviłasia, śmiarotna paranieny. Pra śmierć kałabaranta paviedamiła ŭ sacsietkach jahonaja maci.
Paśla akupacyi Kupianska Macehora supracoŭničaŭ z rasijskimi vajskoŭcami.
«U červieni 2022 hoda jon padpisaŭ tak zvany pratakoł stvareńnia akupacyjnaj Charkaŭskaj administracyi i publična pra heta abviaściŭ. Paśla vyzvaleńnia Kupianska źbieh z rasiejcami ŭ Biełharadskuju vobłaść, dzie maskoŭskija haspadary prystavili da Macehory ŭzmocnienuju achovu», — adznačyli paśla zamachu va ŭkrainskim HUR.
Apošnim časam były mer pracavaŭ u Rasii dyrektaram fizkulturna-azdaraŭlalnaha kompleksa «Hieorhijeŭski».
Byłoha mera Kupianska, jaki źbieh u Rasiju, sprabavali zastrelić — jon u krytyčnym stanie
Były biełaruski śpiecnazaviec zahinuŭ u Rasii ad vybuchu hranaty