Biełaruś i Rasija pačali druhi etap jadziernych vučeńniaŭ
Meta manieŭraŭ — padtrymańnie hatoŭnaści častak bajavoha prymianieńnia niestratehičnaj jadziernaj zbroi
11.06.2024 / 09:43
Fota: Minabarony
Pačaŭsia druhi etap vučeńnia stratehičnych jadziernych sił, paviedamili ŭ Minabarony Rasii.
«Padčas vučeńnia buduć adpracavanyja pytańni sumiesnaj padrychtoŭki častak Uzbrojenych sił Rasijskaj Fiederacyi i Respubliki Biełaruś da bajavoha prymianieńnia niestratehičnaj jadziernaj zbroi», — skazali ŭ viedamstvie.
Padkreślivajecca, što meta manieŭraŭ — padtrymańnie hatoŭnaści častak bajavoha prymianieńnia niestratehičnaj jadziernaj zbroi dźviuch krain — «zabiaśpiečyć suvierenitet i terytaryjalnuju cełasnaść Sajuznaj dziaržavy».
U Minabarony nahadali, što padčas pieršaha etapu asabisty skład rakietnych złučeńniaŭ PVA adpracavaŭ atrymańnie śpiecbojeprypasaŭ dla kompleksu «Iskander», ryštunak rakiet-nośbitaŭ i skrytnaje vyłučeńnie ŭ rajon zapuskaŭ.
Padraździaleńni avijacyi adpracavali ryštunak navučalnymi bajavymi častkami avijacyjnych srodkaŭ paražeńnia, u tym liku hipierhukavych rakiet «Kinžał», i vylety ŭ rajony patrulavańnia.
U Biełarusi, padobna, farmujecca novaja vajskovaja bryhada, uzbrojenaja «Iskanderami»