Milicyja nazvała pakarańnie baćkam, kali pabačać ich dziaciej na vulicy paśla 23:00
Z nadychodam kanikuł i pavieličeńniem śvietłavoha dnia dzieci stali šmat času pravodzić na vulicy. U milicyi nahadali, da jakoha času niepaŭnaletnija mohuć znachodzicca adny pa-za domam.
09.06.2024 / 14:13
Baćki nie pavinny dapuskać bieskantrolnaha i biessensoŭnaha baŭleńnia času dziaciej na vulicy, kab heta nie pryviało da ŭčynieńnia pravaparušeńniaŭ, adznačyła ŭčastkovy inśpiektar inśpiekcyi pa spravach niepaŭnaletnich Bresta Julija Novik.
Jana dadała, što dzieci sami mohuć stać achviarami złačynstvaŭ.
Kali baćki nie supravadžajuć dziaciej va ŭzroście da 16 hadoŭ abo nie zabiaśpiečvajuć supravadžeńnie niepaŭnaletnich u pieryjad z 23:00 da 06:00 pa-za domam, to mohuć atrymać štraf da dźviuch bazavych vieličyń (Br80).
U vypadku, kali dzicia ŭčyniła administracyjnaje pravaparušeńnie, jaho baćkam mohuć vypisać štraf u pamiery da 10 bazavych (Br400).
Akramia taho, za pakidańnie ŭ niebiaśpiecy niepaŭnaletnich uvohule praduhledžana kryminalnaja adkaznaść z pazbaŭleńniem voli na termin da troch hadoŭ.
U Minsku aŭtamabil na chutkaści źbiŭ 15-hadovaha padletka, jaki pierabiahaŭ darohu na čyrvonaje
U Biełarusi ŭ hetym hodzie zahinuli 42 dziciaci