Расіянам не ўдалося рэалізаваць Харкаўскую аперацыю — Зяленскі
Уладзімір Зяленскі назваў вельмі важкім вынікам тое, што расіянам не ўдалося рэалізаваць Харкаўскую аперацыю.
09.06.2024 / 08:53
Уладзімір Зяленскі ў Харкаве, 24 мая 2024 года. Фота: AP
«Гаварыў сёння з галоўнакамандуючым — у цэлым аб сітуацыі. Вельмі важкі вынік — тое, што расійскай арміі не ўдалося рэалізаваць іх Харкаўскую аперацыю. Максімальна іх зараз стрымліваем і знішчаем расійскія падраздзяленні, якія заходзяць на нашу зямлю і тэрарызуюць Харкаўшчыну. Кірунак — узмоцнены. І будзе яшчэ ўзмоцнены«, — сказаў ён у вечаровым звароце.
Ён дадаў, што найцяжэй цяпер па данецкіх кірунках.
Зяленскі таксама падкрэсліў, што вядзецца праца над тым, каб забяспечыць больш рэзерваў для ўкраінскага войска.
«Цяпер дзякуючы перамовам і сустрэчам у Францыі мы маем новыя рашэнні для ўкраінскай абароны — ад Францыі і Злучаных Штатаў. Ёсць прагрэс і па артылерыі, уключаючы вытворчасць ва Украіне снарадаў калібру 155, рыхтуем новую вытворчую платформу. Будзе таксама больш магчымасцяў у нашай баявой авіяцыі і РЭБ. Дзякуй Францыі і Эмануэлю асабіста за яго ініцыятыву і падтрымку нашых прапаноў па трэніроўцы нашых воінаў і забеспячэнні брыгад», — сказаў Зяленскі.
Ён таксама заявіў, што «ўжо ёсць дамоўленасці з партнёрамі аб дадатковых сістэмах СПА для Украіны, і некаторыя з гэтых рашэнняў спрацуюць больш аператыўна, а частка — бліжэй да восені».
«Сваіх не кідаем». Беларусы знялі для расіян прапагандысцкі баявік пра вайну ва Украіне