Dzie ŭ Minsku zrabić pryščepku ad kleščavoha encefalitu
U Biełarusi jość vakcyny rasijskaj i jeŭrapiejskaj (zvyčajna aŭstryjskaj) vytvorčaści.
08.06.2024 / 19:05
«Adna z takich — vakcyna Sputnik — tolki apošnim čas stała nabyvać papularnaść siarod nasielnictva», — adznačyŭ hałoŭny pazaštatny infiekcyjanist kamiteta achovy zdaroŭja Minharvykankama Śviatasłaŭ Vielhin, piša «Sputnik Biełaruś».
Pavodle jaho słoŭ, u Minsku pryščepku ad kleščavoha encefalitu robiać u centry vakcynaprafiłaktyki na bazie haradskoj dziciačaj infiekcyjnaj kliničnaj balnicy. Pierš, čym tudy adpravicca, lepš daviedacca ab najaŭnaści vakcyn pa telefonie.
Taksama vakcynu možna zamović u centralnych rajonnych paliklinikach. Robiać pryščepki i mnohija pryvatnyja miedycynskija centry.
Infiekcyjanist źviarnuŭ uvahu, što adroźnivajuć zachodni i ŭschodni encefalit, apošni praciakaje bolš ciažka.
«Raniej my zvyčajna rekamiendavali vakcynacyju ludziam, jakija iduć na spłavy, kudy-niebudź u Tajhu, mienavita ŭ Rasiju, tam, dzie mienavita ŭschodni kleščavy encefalit. Jon vyklikaje ciažkija nastupstvy — pacyjenty mohuć traplać na štučnuju vientylacyju lohkich i navat śmiarotnyja zychody mohuć być», — raspavioŭ Śviatasłaŭ Vielhin.
U Baranavičach ludzi zarazilisia kleščavym encefalitam, choć klaščy ich nie kusali
Stała viadoma, jakuju hrupu kryvi najbolš lubiać klaščy
Dva čałavieki akazalisia ŭ reanimacyi ŭ Hrodnie z-za ŭkusaŭ klaščoŭ