Aktyŭny ŭdzielnik pratestaŭ-2020 pajšoŭ vajavać za «DNR». Tam i zahinuŭ
57-hadovy Ihar Žuk z Rečyckaha rajona pakłaŭ žyćcio za pucinskija impierskija ambicyi.
08.06.2024 / 18:33
Ruch za svabodnyja vybary achapiŭ u 2020 hodzie ludziej samych roznych palityčnych pohladaŭ. Niekatoryja ź ich urešcie apynulisia na rasijska-ŭkrainskaj vajnie, pryčym jość vypadki, kali ludzi abirali bok ahresara. Los niekatorych ź ich skłaŭsia trahična.
Iharu Žuku z Rečyckaha rajona zaraz mahło b być 59 hadoŭ. U bazach jość źviestki pra byłuju žonku i dvuch niepaŭnaletnich dziaciej.
U mužčyny nie było sudzimaściaŭ. U saviecki čas jon słužyŭ marakom na rakietnym krejsiery «Varah» u Cichim akijanie. Paśla pracavaŭ na rabočych śpiecyjalnaściach, u asnoŭnym na vachtach u Rasii.
Fota ź jahonaj apošniaj vachty, 2 červienia 2022 hoda
U 2020-m mužčyna padtrymaŭ ruch za svabodnyja vybary. Jaho zatrymlivali 15 listapada 2020 na šeści ŭ pamiać pra Ramana Bandarenku.
Fota sa staronki Ihara Žuka ŭ «Adnakłaśnikach»
Viadoma, što paśla ŭ Žuka byli pieratrusy pa kryminalnych spravach.
Kamientar Ihara Žuka na staroncy ŭ «Adnakłaśnikach»
U 2022 hodzie jon skazaŭ žoncy, što «pajechaŭ na zarobki ŭ Rasiju». Ale vyśvietliłasia, što nasamreč ustupiŭ dobraachvotnikam u vojska tak zvanaha DNR. U listapadzie 2022 Ihar Žuk zahinuŭ kala Jasinavataj pad Danieckam.
Mahiła Ihara Žuka. Fota z «Adnakłaśnikaŭ»
Mužčynu pachavali ŭ vioscy Dniepraviec Rečyckaha rajona.
A voś jahony 53-hadovy brat Uładzimir dahetul vajuje za Rasiju na kantrakcie.
Uładzimir Žuk. Fota ź jahonaj staronki ŭ «Adnakłaśnikach»
Uładzimir rodam z Rečycy, ale žyvie ŭ Prymorskim krai Rasii i maje rasijskaje hramadzianstva. Viadoma, što jon u razvodzie, pracavaŭ taksama pa roznych rabočych śpiecyjalnaściach.
Publikacyja zroblenaja z dapamohaj Digital Intelligence Team. Heta OSINT-prajekt, jaki supracoŭničaje z Kibierpartyzanami i inšymi demakratyčnymi strukturami dy prajektami, jakija padzialajuć demakratyčnyja kaštoŭnaści.