Стала вядома імя польскага салдата, які загінуў на мяжы з Беларуссю
Хлопца звалі Матэвуш Сітак, яму быў усяго 21 год.
07.06.2024 / 15:25
Матэвуш быў шарагоўцам 1-й Варшаўскай танкавай брыгады. Развітанне з ім адбудзецца 12 чэрвеня, паведамілі ў брыгадзе.
Матэвуш Сітак рашэннем міністра абароны Уладзіслава Касіняка-Камыша пасмяротна павышаны ў званні да старшага сяржанта, а таксама ўзнагароджаны Залатым медалём «За заслугі ў абароне краіны».
Матэвуш Сітак атрымаў удар нажом на мінулым тыдні падчас спынення спробы групы мігрантаў прарвацца з беларускага боку. Яго ўдарыў нажом адзін з мігрантаў. Хлопца шпіталізавалі, ён трапіў у кому, нягледзячы на ўсе намаганні медыкаў, ён памёр.