Francyja pieradaść Kijevu samaloty-źniščalniki i padrychtuje ŭkrainskuju bryhadu
Prezident Francyi Emanuel Makron paviedamiŭ pra rašeńnie pieradać Ukrainie sieryi francuzskich samalotaŭ-źniščalnikaŭ Mirage 2000-5 i arhanizavać navučańnie ŭkrainskich piłotaŭ dla kiravańnia imi.
06.06.2024 / 21:47
Samalot Mirage 2000-5. Zdymak ilustracyjny. Fota: AP Photo/Thanassis Stavrakis
«Zaŭtra my pačniem novuju prahramu supracoŭnictva i abjavim pra pastaŭku sieryi Mirage 2000-5, francuzskich bajavych samalotaŭ, jakija dazvolać Ukrainie abaraniać svaju ziamlu i pavietranuju prastoru.
Z zaŭtrašniaha dnia my pačynajem prahramu padrychtoŭki piłotaŭ i pieradamo hetyja samaloty da kanca hoda», — adznačyŭ francuzski lidar.
Akramia taho, jahonaja kraina maje namier padrychtavać ukrainskuju bryhadu ŭ składzie 4,5 tysiačy čałaviek, navučyć i ŭzbroić jaje.
Pa słovach Makrona, Francyja vystupaje za mir, ale suprać jaho ŭstanaŭleńnia canoj kapitulacyi Ukrainy.
Niderłandy dazvolili Ukrainie vykarystoŭvać F-16 dla naniasieńnia ŭdaraŭ pa celach u Rasii
Łaŭroŭ: Pieradača Kijevu F-16 budzie sihnałam u jadziernaj śfiery
Pieršyja ŭkrainskija piłoty zaviaršyli navučańnie pracy na źniščalnikach F-16 u ZŠA
Šviecyja pieradaść Ukrainie dva samaloty radyjołakacyjnaj raźviedki ASC 890. Što heta za samaloty?