Biełaruska atrymała prestyžnuju ispanskuju premiju za knihu pra Čarnobyl
Biełaruska-arhiencinskaja piśmieńnica Natalla Litvinava, jakaja źjechała jašče dziciem sa svajoj siamjoj z Homiela ŭ Arhiencinu, atrymała prestyžnuju premiju Lumen de Novela za zbornik vieršaŭ «Śvietlačok». Temaj knihi stali «ŭcioki ad radyjacyi», piša Reform.news.
06.06.2024 / 18:27
Natalla Litvinava. Fota z sacsietak
Litvinava žyvie ŭ Arhiencinie z 1996 hoda. Kniha «Śvietlačok» napisanaja na ispanskaj movie — heta adna z umoŭ atrymańnia premii. U konkursie prymajuć udzieł vydańni ispanamoŭnych aŭtaraŭ u tym liku z Łacinskaj Amieryki.
U knizie biełaruski raskazvajecca pra žyćcio siamji Litvinavaj — maleńkaj dziaŭčynki i jaje mamy, — jakija paśla avaryi na Čarnobylskaj AES biehli «ad radyjacyi» i biednaści.
Jak adznačaje ispanskaje vydańnie El País, aŭtarka vykarystała pry stvareńni vieršaŭ zapiski maci, jakija jana viała padčas adjezdu ź Biełarusi. Vydańnie taksama adznačaje, što premija Lumen de Novela składaje 30 000 jeŭra.
Vyjšła novaja kniha vieršaŭ Viktara Žybula
Akademija navuk źbiraje pieradzamovy na dźvie knihi pa historyi biełaruskaj movy
Piśmieńnik Siarhiej Žadan ustupiŭ u šerahi Nachvardyi