Biełkaapsajuz abiacaje nakarmić terabaronu padčas vajny
Praŭda, jość prablemy ŭ niekatorych rehijonach.
05.06.2024 / 18:53
Fota: Minabarony
Biełkaapsajuz hatovy arhanizavać charčavańnie dla vojskaŭ terytaryjalnaj abarony ŭ vajenny čas. Pra heta raskazała staršynia praŭleńnia Biełkaapsajuza Inesa Karatkievič na sustrečy z deputatami. Pry hetym mohuć uźniknuć prablemy ŭ rajonach, adkul spažyŭkaapieracyja ŭžo syšła, piša Sputnik.
«Adzinaje, viadoma, składana budzie ŭ 23 rajonach, dzie niama ŭžo nas, jak naohuł našaj dziejnaści», — vykazała mierkavańnie Karatkievič.
Pavodle jaje słoŭ, prablemu možna vyrašyć praź pieraraźmierkavańnie resursaŭ za košt bližejšych rehijonaŭ.
«Cechi kandytarskija, pa vytvorčaści paŭfabrykataŭ, rybnyja, kulinarnyja. Biezumoŭna, jany dazvolać zabiaśpiečyć charčavańniem pry nieabchodnaści terytaryjalnyja vojski», — zajaviła Karatkievič.
Pad šyldaj Biełkaapsajuza ciapier pracujuć 779 abjektaŭ hramadskaha charčavańnia na 41 tysiač miescaŭ. Taksama pa krainie dziejničajuć 113 narychtoŭčych cechaŭ.
U Minsku vajennaabaviazanych pryzyvajuć u terabaronu — ich adpraviać na parad
MNS: Homielskaja vobłaść hatovaja da pierachodu na vajenny čas
Źjaviŭsia ŭkaz ab pieravodzie dziaržorhanaŭ na pracu ŭ vajenny čas