Jak składvajecca los dokšyckaha kapitana Zhirskaha, jaki kiravaŭ bandaj u bałakłavach
Ministerstva ŭnutranych spraŭ na słovach nastojliva adšpilvaje jaho ad hučnaj spravy «bandy ŭ bałakłavach», ale kapitanu inkryminujuć šerah inšych zładziejstvaŭ, jakija nie daduć nadziei na volu.
06.06.2024 / 07:00
Dva tydni tamu «Naša Niva» paviedamlała pra toje, što ŭ Dokšycach u ramkach «spravy nalotčykaŭ u bałakłavach» byŭ zatrymany kapitan miascovaha kryminalnaha vyšuku Michaił Zhirski. Pa miescy žycharstva jakoha była taksama znojdziena bałakłava i niesłužbovaja zbroja.
Čytajcie. Miehaskandał u MUS: supracoŭnik kryminalnaha vyšuku kiravaŭ bandaj, jakaja ŭ bałakłavach rabavała dalnabojščykaŭ
Ministerstva ŭnutranych spraŭ nie pryznała datyčnaść svajho supracoŭnika da zładziejstvaŭ.
Ministr unutranych spraŭ Ivan Kubrakoŭ u zrežysavanaj razmovie ź viedamasnym karespandentam (u duchu «kali b vy nie spytali, ja b pra heta i nie raskazvaŭ»), rašuča abvierh datyčnaść Zhirskaha da bandy nalotčykaŭ. Pry hetym ničoha nie skazaŭ pra los svajho byłoha supracoŭnika, jaki, pavodle infarmacyi «Našaj Nivy», u hety momant znachodzicca ŭ SIZA KDB.
Mahčyma, kapitana źbirajucca adšpilić ad spravy nalotčykaŭ, vystaviŭšy jamu pry hetym inšyja abvinavačvańni? «Našaj Nivie» viadomyja pikantnyja detali rasśledavańnia, ale ich niemahčyma apubličyć, nie daŭšy navodku na krynicy.
Aktyŭny ŭdzieł supracoŭnika MUS u arhanizavanaj złačynnaj bandzie škodzić reputacyi ŭsiaho viedamstva. Tamu najbolš imavierna, što spravu Zhirskaha vyvieduć u asobnuju i pierakvalifikujuć na «pieravyšeńnie słužbovych paŭnamoctvaŭ» i inšyja artykuły, jakich budzie dastatkova dla žorstkaha prysudu.
Michaił Zhirski ŭdzielnik palityčnych represij. Maje žonku i dzicia. Fota: Biełpoł
Byłyja supracoŭniki siłavych orhanaŭ paćviardžajuć, što sudzić supracoŭnikaŭ asobna ad padzielnikaŭ — heta zaviedzienaja praktyka. Ad jaje redka adychodziać paśla hańby na «spravie 19», kali ŭsia kraina ŭbačyła ŭ adnoj kletcy z narkabaronam Kanstancinam Viluhaj aficeraŭ KDB i MUS.
A śviežaj ilustracyjaj takoha padychodu možna pryvieści historyju byłoha prakurora Viciebska Juryja Ramanoŭskaha, jakuju taksama apisvała «Naša Niva».
Čytajcie: Prakuror Viciebska daŭ pakazańni na načalnika SK. Pad sud pajšli abodva — redkaja historyja
U toj čas, jak padzielniki Ramanoŭskaha pajšli pa artykule «brakańjerstva», jaho samoha vyvieli z hetaj spravy i sudzili za inšaje.
U vypadku sa Zhirskim cikavy momant jašče i ŭ tym, što baćka Michaiła, Vasil Zhirski, pavodle infarmacyi «Biełpoła», taksama milicyjanier. Major u adstaŭcy, čyjo apošniaje miesca słužby — načalnik kryminalnaha vyšuku Šarkaŭščynskaha RAUS.
Michaił Zhirski druhi sprava. Fota: dokshitsy.by
Nam dakładna viadoma, što z asabovym składam Dokšyckaha RAUS aktyŭna pracujuć śledčyja i słužby ŭnutranaj biaśpieki. «Litaralna nie vyłaziać z RAUSa», — kažuć znajomyja z raźvićciom padziej.
Usie supracoŭniki miascovaj milicyi na čas śledstva dali raśpiski ab nierazhałošvańni.