U ES «Makdonalds» nie zmoža nazyvać burhier z kurynymi katletami bihmakam
Mcdonald's zmoža nazyvać bihmakam tolki tradycyjny burhier z katletami ź jałavičyny, piša Reuters.
05.06.2024 / 15:50
Hieroj Džona Travołty ŭ «Kryminalnym čytvie» tłumačyć naparniku, jak nazyvajuć bihmaki ŭ Francyi
Hetaja nazva bolš nie tyčycca burhiera z kurynymi katletami i restaranaŭ. Takoje rašeńnie pryniaŭ Jeŭrapiejski sud ahulnaj jurysdykcyi ŭ Luksiemburhu.
Sud staŭ na bok irłandskaj sietki restaranaŭ chutkaha charčavańnia Supermax. Jana prasiła ŭvieści zabaronu na tavarny znak BigMac u adnosinach da peŭnych praduktaŭ i pasłuh.
U 1996 hodzie Mcdonald's zarehistravaŭ u Jeŭropie tavarny znak BigMac dla praduktaŭ charčavańnia i nazvaŭ restaranaŭ. Kuryny BigMac papularny ŭ ZŠA i Vialikabrytanii. U krainach ES — jon u dadatkovym mieniu.
U 2019 hodzie ŭ Jeŭropie zabaranili ŭžyvać hety tavarny znak da burhieraŭ z kurynymi katletami. Pryčyna: kampanija nie padała dokazaŭ, što ŭvieś čas vykarystoŭvała jaho na praciahu piaci hadoŭ. Ciapier takoje ž abmiežavańnie raspaŭsiudžvajecca i na nazvu restaranaŭ.
Rašeńnie suda jašče moža być abskardžana ŭ sudzie bolš vysokaj instancyi.