Ціханоўскую ведаюць больш, чым Пазняка. Топ-10 апазіцыйных палітыкаў па пазнавальнасці і па ўзроўні даверу

Абапіраючыся на даныя даследавання «Народнага апытання», Генадзь Коршунаў склаў рэйтынг беларускіх палітыкаў сярод прадэмакратычнай часткі беларускага грамадства па пазнавальнасці і даверы.

05.06.2024 / 12:15

Фота: Офіс Ціханоўскай

Безумоўным лідарам для ядра прадэмакратычнай часткі беларускага грамадства была і застаецца Святлана Ціханоўская. Яе ведаюць 96% рэспандэнтаў, давяраюць — 85% апытаных (гэта 89% ад тых, хто яе ведае).

Другое месца ў Паўла Латушкі — 89% ведаюць і 65% давяраюць (гэта значыць 73% тых, хто давярае сярод дасведчаных).

Спіс выглядае так (першая лічба — адсотак тых, хто ведае сярод апытаных, другая — адсотак тых, хто давярае сярод усіх апытаных):

Святлана Ціханоўская — 96% / 85%

Павел Латушка — 89% / 65%

Франак Вячорка — 72% / 36%

Валерый Сахашчык — 68% / 34%

Зянон Пазняк — 67% / 25%

Вадзім Пракопʼеў — 63% / 28%

Аляксандр Азараў — 57% / 11%

Валерый Кавалеўскі — 51% / 29%

Аліна Коўшык — 35% / 21%

Вольга Гарбунова — 32% / 19%