Supierkampjutar pravioŭ 10 tysiač simulacyj i daŭ prahnoz, chto vyjhraje Jeŭra-2024
Analityki brytanskaj kampanii Opta Sports pasprabavali daviedacca mahčymaha pieramožcu futbolnaha Jeŭra-2024 z dapamohaj ułasnaha supierkamputara. Supierkampjutar Opta 10 tysiač razoŭ zmadelavaŭ praviadzieńnie Jeŭra-2024.
04.06.2024 / 20:47
U vyniku mašyna na pieršaje miesca pa šancach pieramahčy ŭ finale turniru pastaviła zbornuju Anhlii. Anhličanie pieramahli ŭ 19,9% simulacyj.
Tolki krychu nižej (19,1%) supierkampjutar Opta acaniŭ vierahodnaść pieramohi na Jeŭra-2024 zbornaj Francyi. Siarod mocnych pretendentaŭ na vyjhryš taksama nazvanyja haspadynia turniru Hiermanija (12,4%), a taksama Ispanija (9,6%) i Partuhalija (9,2%).
Najmienšaja imaviernaść pieramohi na Jeŭra-2024, zhodna z supierkampjutaram, u zbornych Hruzii, Ałbanii i Słavakii.
Čempijanat Jeŭropy pa futbole projdzie z 14 červienia pa 14 lipienia ŭ Hiermanii. U finalnaj stadyi turniru voźmuć udzieł 24 zbornyja. Biełaruś na Jeŭra-2024 nie patrapiła.
Madrydski «Reał» vyjhraŭ futbolnuju Lihu čempijonaŭ
Kryšcijanu Ranałdu zastaniecca ŭ Saudaŭskaj Aravii jašče na adzin siezon
Futbolny Jeŭra-2024 pa BT pakazvać nie buduć