У Літву з Беларусі трэці раз за месяц не пусцілі вагон з літарай Z
Літоўскія законы забараняюць.
03.06.2024 / 14:52
Ілюстрацыйнае фота: vsat.lrv.lt
Работнікі кампаніі LTG Cargo пры абследаванні саставу, які прыбыў на КПП Кяны з Беларусі, заўважылі на адным з вагонаў літару Z.
Паводле літоўскіх законаў, знак Z унесены ў спіс забароненых, паколькі ён сімвалізуе расійскую агрэсію супраць Украіны. Таму перамяшчэнне тэхнікі і цягнікоў з такім знакам па тэрыторыі Літвы забаронена, паведамляе Delfi.
Пасля абследавання вагон адчапілі ад цягніка і адправілі назад у Беларусь. Мытнікі адзначаюць, што з сярэдзіны траўня гэта ўжо трэцяя спроба правозу вагона з літарай Z з тэрыторыі Беларусі.