Ураджэнца Петрыкава будуць судзіць адразу па дзевяці пратэсных артыкулах
5 чэрвеня ў Гомельскім абласным судзе пачнецца разгляд крымінальнай справы ў дачыненні да Дзяніса Жалязко.
03.06.2024 / 08:52
Вядома, што мужчыну абвінавачваюць па 9 артыкулах Крымінальнага кодэкса РБ:
- частка 1 артыкула 130 (распальванне расавай, нацыянальнай, рэлігійнай альбо іншай сацыяльнай варожасці),
- арт.188 (паклёп),
- ч. 3 арт. 203-1 (незаконныя дзеянні ў дачыненні да інфармацыі аб прыватным жыцці і персанальных даных),
- ч. 1 арт. 342 (арганізацыя і падрыхтоўка дзеянняў, якія груба парушаюць грамадскі парадак, альбо актыўны ўдзел у іх),
- ч. 1 і 2 арт. 361-4 (садзейнічанне экстрэмісцкай дзейнасці),
- ч. 2 арт. 367 (паклёп у дачыненні Лукашэнкі),
- ч. 1 арт. 368 (абраза Лукашэнкі),
- арт. 369 (абраза прадстаўніка ўлады),
- арт. 369-1 (дыскрэдытацыя РБ).
Справу будзе разглядаць суддзя Дзмітрый Казлоў. Акалічнасці крымінальнай справы высвятляюцца праваабаронцамі. Апошні запіс на яго старонцы фэйсбук»у быў зроблены ў сакавіку 2022 г., піша «Вясна»
Дзяніс Жалязко — ўраджэнец Петрыкава. Ён скончыў Беларускі гандлёва-эканамічны ўніверсітэт спажывецкай кааперацыі, працаваў у гандлёвым доме Рагачоўскага малочнакансервавага камбіната, які знаходзіцца ў Гомелі.
Вынеслі прысуд жыхару Пінска за намер далучыцца да палка Каліноўскага
Палітвязня Аляксандра Францкевіча зноў будуць судзіць