Francyja i Brytanija dazvolili Ukrainie bić rakietami Storm Shadow pa aeradromach u Biełharadskaj i Kurskaj abłaściach
Francuzskija i brytanskija ŭłady nie abmiažoŭvali mahčymaść prymianieńnia zbroi.
02.06.2024 / 13:51
Rakieta Storm Shadow u Muziei Karaleŭskich VPS u Łondanie. Fota: Wikimedia Commons
Francyja faktyčna dazvoliła Ukrainie prymianiać kryłatyja rakiety Storm Shadow / Scalp dla ŭdaraŭ pa rasijskich vajskovych abjektach u Kurskaj i Biełharadskaj abłaściach.
Rakiety pavietranaha baziravańnia pastaŭlajuć sumiesna Francyja i Vialikabrytanija, ich dalnabojnaść składaje 250 km. Pry hetym pastaŭščyki vidavočna nie abmiažoŭvali śfieru prymianieńnia hetych rakiet, piša BBC.
Prezident Francyi Emaniuel Makron zajaviŭ, što nieabchodna dapamahčy Ukrainie niejtralizavać rasijskija vajskovyja abjekty, ź jakich zapuskajucca rakiety.
BBC sa spasyłkaj na aficera vajennaj avijacyi piša, što takija słovy razhladajucca jak dazvoł na ŭžyvańnie Storm Shadow dla ŭdaraŭ pa Kurskaj i Biełharadskaj abłaściach Rasii.
Adnak va USU mohuć uźniknuć prablemy z realizacyjaj hetaj idei. Dla prymianieńnia francuzska-brytanskich rakiet samalotam Su-24 daviadziecca nabližacca da miažy Rasii, u takim vypadku jany trapiać u zonu dziejańnia rasijskich sistem SPA.
Źniščalniki F-16 lepš padyšli b dla takich zadač, adnak da hetaha času niezrazumieła, ci dazvolać ZŠA prymianiać hetyja samaloty dla ŭdaraŭ pa rasijskaj terytoryi. Pastaŭki pieršych źniščalnikaŭ čakajucca da kanca hoda.
Ceły šerah krain, u tym liku ZŠA, raniej dazvolili prymianiać pieradadzienuju Ukrainie zbroju dla ŭdaraŭ pa rasijskaj terytoryi. Adnak niekatoryja krainy dadali ahavorku — hetyja ŭdary pavinny być źviazanyja z abaronaj Charkaŭskaj vobłaści.
Bieły dom: Dazvoł na ŭdary zbrojaj z ZŠA pa Rasii tyčycca nie tolki Charkaŭščyny
Hiermanija dazvoliła Ukrainie nanosić udary pa terytoryi Rasii niamieckaj zbrojaj. Ale jość niuans
Bajden tajemna dazvoliŭ Ukrainie bić amierykanskaj zbrojaj pa terytoryi Rasii