Miełoni nazvała vybary ŭ Jeŭraparłamient vybaram pamiž dźviuma Jeŭropami
Premjer Italii Džordža Miełoni zajaviła, što hałasavańnie na vybarach u Jeŭraparłamient stanie «refierendumam, na jakim buduć vybirać pamiž dvuma Jeŭropami».
02.06.2024 / 08:56
Džordža Miełoni. Fota: Antonio Masiello / Getty Images
«Z adnaho boku, heta ideałahičnaja, centralizavanaja, nihilistyčnaja, usio bolš technakratyčnaja Jeŭropa. Ź inšaha boku, heta śmiełaja i hanarlivaja Jeŭropa, jakaja nie zabyvaje svaje karani, tamu što hetyja karani vyznačajuć, kim my zjaŭlajemsia, i dapamahajuć nam aryjentavacca», — zajaviła premjer Italii.
Miełoni naležyć da pravaj partyi «Braty Italii», hetaja palitsiła ŭ Jeŭraparłamiencie ŭvachodzić u hrupu «Jeŭrapiejskija kansiervatary i refarmisty» (ECR).
Lidar francuzskich ultrapravych Maryn Le Pen niadaŭna zaprasiła Miełoni sfarmavać pravaje supierabjadnańnie, jakoje stała b druhim pa vieličyni partyjnym błokam u Jeŭraparłamiencie. Da jaje zakliku dałučyŭsia taksama vienhierski premjer-ministr Viktar Orban, piša «Jeŭrapiejskaja praŭda».
Žurnalisty daviedalisia, chto pierakanaŭ Orbana dapamahčy Ukrainie
U Vienhryi rezka nabrała papularnaść antyorbanaŭskaja partyja, jakuju stvaryŭ małady palityk