Madrydski «Reał» vyjhraŭ futbolnuju Lihu čempijonaŭ
Na łondanskim «Uembli» prajšoŭ finalny matč Lihi čempijonaŭ, u jakim syšlisia dortmundskaja «Barusija» i madrydski «Reał». Pieramahli ispancy.
02.06.2024 / 00:02
Vinisius Žunijor tolki što zabiŭ druhi miač u varoty «Barusii». Fota: AP Photo/Frank Augstein
Paśla pieršaha tajma lik byŭ 0:0, pieravahu ŭ im mieła «Barusija», jakaja stvaryła niekalki niebiaśpiečnych momantaŭ.
Ale ŭ druhim tajmie inicyjatyvu pierachapiŭ «Reał».
Na 74-j chvilinie pieršy hoł zabiŭ Dani Karvachal, a na 83-j brazilski lehijanier Vinisius Žunijor zrabiŭ lik 2:0. Takim jon i zastaŭsia da finalnaha śvistka.
Heta 15-y trafiej «Reała», pa hetym pakazčyku karaleŭski kłub — rekardsmien.
U svaim apošnim matčy za «Reał» Toni Kros addaŭ halavuju pieradaču. A Marka Rojs pakidaje «Barusiju», tak i nie vyjhraŭšy trafiej ŁČ.
Padčas finalnaha matču Lihi čempijonaŭ na pole vybieh fanat homielskaha treš-błohiera
Siońnia — finał Lihi čempijonaŭ. Ci budzie złamanaja tradycyja apošnich čatyroch finałaŭ?
Kryšcijanu Ranałdu zastaniecca ŭ Saŭdaŭskaj Aravii jašče na adzin siezon