У Мазыры выкінулі на сметнік неверагодную колькасць хатніх закатак ВІДЭА
У Мазыры ў адным з двароў каля смеццевых бакаў невядомыя пакінулі вялізную колькасць хатніх закатак. Пра гэта ў тыктоку расказала мясцовая жыхарка, заўважыла Blizko.by.
31.05.2024 / 17:49
Скрыншот з відэа
Чаго там толькі няма: закатаныя грыбы, гародніна, варэнне, а таксама кампоты.
Цяпер відэа актыўна вірусіцца ў сацсетцы, а карыстальнікі пакідаюць сотні каментароў.
Адзін з іх піша: «Змяніліся часы, закаткі сталі не патрэбныя». Іншая жанчына абураецца: «Гэта ж столькі сіл, часу і грошай. Адно пытанне: навошта столькі рабіць?»
Можна было прачытаць і такую гісторыю: «Знаёмая купіла дом у вёсцы, а там у склепе вельмі шмат закатак. Яна ўсё выставіла на сметнік. Я б таксама не ела чужыя закаткі».
Гісторыя на гэтым не скончылася. На наступны дзень тыктокерка выставіла відэа, на якім відаць, што ніводнай закаткі каля бакаў ужо не засталося.
Карыстальнікі адразу ж адрэагавалі. Жанчына піша: «Правільна, чаго прападаць дабру». Яе падтрымлівае каментатар: «Калі крышка ў слоіках не надзьмулася, то можна ўжываць, чалавек жа для сябе закатваў».
Але не ўсе згодныя з такім сцвярджэннем. Дзяўчына піша: «Я б не рызыкнула гэта есці». А некаторыя наогул не разумеюць, навошта рабіць нарыхтоўкі на зіму: «Не разумею гэтых людзей, гарбацяцца на дачах. Потым усё гэта перапрацоўваецца, а пасля на сметнік».
Якія прадукты найчасцей выклікаюць батулізм
Лета ў слоіку. Колькі сёлета трэба выдаткаваць, каб паставіць закаткі?
«Колькі каштуе? Ну, колькі дасце». Якія прысмакі можна купіць «па дарозе»?
За колькі сёння можна адпачыць з шашлыком і як змяніліся цэны ў параўнанні з леташнімі?