Letniaje tyramisu z kłubnicami i prasieka — recept
Jasna, što kłasičnaje tyramisu zaŭsiody pa-za kankurencyjaj, ale jość šmat smačnych varyjacyj, u tym liku hetaje niejmavierna śviežaje, letniaje tyramisu z kłubnicami. Piaščotny krem z maskarpone ŭ im zamiest kavy dapoŭnieny kavałačkami śviežych jahad.
15.06.2024 / 07:35
Fota: Pixabay
Kab pryhatavać tyramisu z kłubnicami, spatrebicca:
- jajki — 2 št.
- cukrovaja pudra — 4 łyžki
- maskarpone — 400-450 h
- sol — ščopać
- biskvity dla tyramisu — 130 h
- prasieka — 120 mł
- kłubnicy — 500 h
Jak hatavać:
Varym jajki ŭ kipiačaj vadzie (kala 30 siekund). Adździalajem žaŭtki ad białkoŭ. Jaječnyja žaŭtki raścirajem z cukrovaj pudraj da miakkaj masy. Dadajom maskarpone. Uźbivajem jaječnyja białki sa ščopaćciu soli da źjaŭleńnia ŭstojlivaj pieny. Z dapamohaj łapatki akuratna złučajem hetu sumieś z syrnaj masaj. Biskvity pa adnym zamočvajem u prasieka i vykładvajem na dno talerki. Na piečyva vykładvajem pałovu syrnaj masy i narezanyja kłubnicy. Vyraŭnoŭvajem vierch. Vykładvajem jašče adzin płast biskvitaŭ, nakryvajem syrnaj masaj, što zastałasia, i ŭpryhožvajem kłubnicami. Stavim u chaładzilnik minimum na 2 hadziny.
Lohki piroh z kłubnicami i bazilikam
Viadomaje i mnohimi lubimaje vino Prasieka moža całkam źniknuć z-za hłabalnaha paciapleńnia
Desiert z čarnaślivu i hreckich arechaŭ ź viarškami: vytančany smak i sucelnaja karyść