Za kamientary ŭ telehram-čatach u Hrodnie sudziać byłoha ajcišnika
30.05.2024 / 11:29
Hrodzienski abłasny sud praciahvaje razhlad kryminalnaj spravy miascovaha žychara Andreja Burdzieni, piša «Viasna».
Jaho abvinavačvajuć u abrazie Łukašenki (č. 1 art. 368 KK), paklopie na jaho (č. 2 art. 367 KK), abrazie pradstaŭnika ŭłady (art. 369 KK) i raspalvańni inšaj sacyjalnaj varožaści (č. 1 art. 130 KK).
Sudovy praces pačaŭsia 27 traŭnia, sudździa — Mikałaj Račynski.
Mierkavanaja data zatrymańnia Andreja — 20 vieraśnia 2023 hoda. U hety dzień źjaviłasia «pakajalnaje» videa, dzie mužčyna kaža, što nibyta pisaŭ niehatyŭnyja kamientary na adras Łukašenki, słužbovych asob, supracoŭnikaŭ milicyi, rasiejskich vajskoŭcaŭ, a taksama pahražaŭ ludziam, jakija padtrymlivajuć dziejnuju ŭładu.
Palitviaźnia Ihara Alinieviča niadaŭna źmiaščali ŭ ŠIZA, a Siarhiej Ramanaŭ adbyŭ paŭhoda ŭ PKT