KNDR zakidała Paŭdniovuju Kareju pavietranymi šarami sa śmiećciem
KNDR adpraviła bolš za 200 pavietranych šaroŭ sa śmiećciem u Paŭdniovuju Kareju, paviedamlaje Yonhap.
29.05.2024 / 09:42
KNDR zakidała Paŭdniovuju Kareju pavietranymi šarami sa śmiećciem. Fota: Yonhap
Pa danych paŭdniovakarejskich vajskoŭcaŭ, pavietranyja šary pačali pierasiakać miažu ŭviečary 28 maja i ŭpali ŭ roznych miescach pa ŭsioj krainie. Unutry pavietranych šaroŭ byli, siarod inšaha, płastykavyja butelki, batarejki, detali abutku i hnoj.
KNDR anansavała zapusk pavietranych šaroŭ sa śmiećciem paśla taho, jak na terytoryi krainy raspaŭsiudzili ahitacyjnyja materyjały z Paŭdniovaj Karei. Na praciahu mnohich hadoŭ ludzi, jakim udałosia źbiehčy z Paŭnočnaj Karei ŭ Paŭdniovuju, adpraŭlali ŭ KNDR pavietranyja šary, unutry jakich byli ŭlotki z krytykaj Kim Čen Yna.
Paŭdniovaja Kareja papiaredziła Paŭnočnuju «nieadkładna spynić svaje biesčałaviečnyja i vulharnyja dziejańni».
U KNDR zaćvierdzili paradak demanstracyi partretaŭ troch Kimaŭ
Ułady Paŭdniovaj Karei zabłakavali miehapapularny klip «Pryjazny baćka» pra Kim Čen Yna