Vydaviec Andrej Januškievič trapiŭ u šort-list prestyžnaj mižnarodnaj premii
Mižnarodnaja asacyjacyja vydaŭcoŭ (IPA) abviaściła šort-list premii Prix Voltaire 2024 u honar vyklučnaj mužnaści ŭ adstojvańni svabody knihavydańnia. U jaho sioleta ŭvajšli piać čałaviek i arhanizacyj, jakija prademanstravali stojkaść i advahu pierad tvaram cenzury i pryhniotu. Siarod ich jość i biełarus Andrej Januškievič, paviedamlaje Biełaruski PEN.
28.05.2024 / 17:29
Staršynia Kamiteta IPA pa svabodzie knihavydańnia Kristenn Einarsson adznačyła:
«Sioletni šort-list pakazvaje, nakolki važnyja vydaŭcy dla harantavańnia svabody vykazvańnia. My dziakujem im usim za ich advahu».
Vydaviectva «Januškievič» kidaje vyklik cisku na svabodu knihavydańnia ŭ Biełarusi, dzie vydaŭcy sutykajucca ź pieraśledam, štrafami i aryštami. Dyrektar Andrej Januškievič sutyknuŭsia z advolnymi zatrymańniami, kanfiskacyjaj knih i pryznańniem vydadzienych knih «ekstremisckimi». U 2023 hodzie jon byŭ vymušany vyjechać u Polšču, dzie praciahnuŭ vydavieckuju dziejnaść i adkryŭ kniharniu ŭ Varšavie.
Cyrymonija ŭručeńnia premii adbudziecca ŭ śniežni 2024 hoda.
Hieroi — padletki ź Minska, jakija baroniać śviet ad Zła
«A haŭniuki buduć zaŭsiody». Praciah sahi Sapkoŭskaha vyjšaŭ u bliskučym biełaruskim pierakładzie