Беларусь і Расія праводзяць сумесныя вучэнні ВПС і СПА
Апрацоўваюць узаемадзеянне і прыкрыццё сухапутных войскаў.
27.05.2024 / 17:29
Сумесныя лётна-тактычныя вучэнні з удзелам ВПС Беларусі, ВКС Расіі, а таксама беларускіх сіл СПА праходзяць з 27 па 31 мая.
Як паведамляе Мінабароны Беларусі, заняткі праводзяцца ў рамках удасканалення адзінай рэгіянальнай сістэмы СПА і ў інтарэсах павышэння ўзаемадзеяння і вывучанасці органаў кіравання і лётнага складу. Кіруе вучэннямі камандуючы беларускіх ВПС і войскаў СПА.
У вучэннях удзельнічаюць авіяцыйныя вайсковыя часці, падраздзяленні зенітных ракетных і радыётэхнічных войскаў УС Беларусі, экіпажы разведвальнай, знішчальнай і армейскай авіяцыі ВКС РФ.
Вайскоўцы плануюць адпрацаваць пытанні кіравання разнароднымі сіламі авіяцыі, а таксама арганізацыі ўзаемадзеяння пры выкананні імі вучэбна-баявых задач. Акрамя таго, удзельнікі будуць трэніраваць прыкрыццё сухапутных падраздзяленняў.
Раней у Беларусь перакінулі 8 верталётаў ВКС РФ.
У Беларусь прыляцелі 8 расійскіх вайсковых верталётаў
У Беларусь прыляцеў самалёт Януковіча
Абарону аэрапорта ў Магілёве, якую паказалі высокім чыноўнікам, рэпеціравалі тры дні
У Баранавічы прыляцелі два расійскія знішчальнікі