Netflix anansavaŭ treciuju častku iraničnaha detektyva «Nažy ŭvierch»
Bienua Błank vierniecca ŭ nastupnym hodzie.
27.05.2024 / 08:59
Denieł Krejh u roli Bienua Błanka. Fota: Netflix
Stryminhavy servis Netflix abviaściŭ aficyjna abviaściŭ ab praciahu suśvietnaj detektyŭnaj kamiedyi «Nažy ŭvierch» (Knives Out) z Deniełam Krejham u roli bliskučaha detektyva Bienua Błanka.
«Bienua Błank viartajecca ŭ svajoj samaj niebiaśpiečnaj spravie»,-koratka havorycca pra novy film u videaanonsie na staroncy servisu ŭ YouTube.
Treciaja častka filma trapić na ekrany ŭ 2025 hodzie i budzie nazyvacca «Pračnisia, miarćviak» (Wake Up Dead Man: A Knives Out Mystery).
Režysioram i scenarystam praciahu franšyzy znoŭ stanie Rajan Džonsan.
Nahadajem, što druhaja častka franšyzy pad nazvaj «Nažy ŭvierch: Šklanaja cybulina» vyjšła ŭ śniežni 2022 hoda. Tady detektyŭ Bienua Błank adpraviŭsia ŭ padarožža ŭ Hrecyju i vypadkova trapiŭ na pryvatnuju viečarynu da technałahičnaha mahnata Majłza Brona (Edvard Nortan). Kab paciešyć haściej, toj prydumaŭ hulniu, udzielniki jakoj pavinny raskryć zabojstva.
Na amierykanskim stryminhu Amazon Prime vyjšaŭ chorar pra biełaruskuju palitemihrantku ŭ ZŠA
Biełaruska zdymiecca ŭ kino z Dakotaj Džonsan i Krysam Evansam