Stołtenbierh: Va Ukrainy pavinna być prava bić pa Rasii zachodniaj zbrojaj
«Pryjšoŭ čas, kab sajuźniki padumali pra admienu niekatorych abmiežavańniaŭ», — zajaviŭ hienieralny sakratar NATA.
25.05.2024 / 08:33
Jens Stołtenbierh. Fota: Thierry Monasse / Getty Images
Krainy-partniory Ukrainy pavinny skasavać zabaronu na vykarystańnie ich zbroi dla ŭdaraŭ pa abjektach na terytoryi Rasii. Pra heta zajaviŭ kiraŭnik NAIA Jens Stołtenbierh u intervju vydańniu The Economist, piša Rasijskaja słužba Radyjo Svaboda.
«Pryjšoŭ čas, kab sajuźniki padumali ab admienie niekatorych abmiežavańniaŭ, jakija jany nakłali na vykarystańnie zbroi, achviaravanaj Ukrainie. Asabliva zaraz, kali bajavyja dziejańni iduć na Charkaŭščynu, zabarona Ukrainie vykarystoŭvać hetuju zbroju suprać zakonnych vajskovych celaŭ na terytoryi Rasii vielmi ŭskładniaje jaje abaronu», — skazaŭ Stołtenbierh.
Stołtenbierh «dobra ŭśviedamlaje asimietryčnuju pieravahu», jakuju Rasija atrymlivaje praz pazicyju ZŠA ŭ hetym pytańni. Kiraŭnik NATA padkreśliŭ, što rasijanie buduć pradaŭžać atakavać i damahacca peŭnych terytaryjalnych dasiahnieńniaŭ u pamiežnaj zonie niahledziačy na straty.
«My pavinny pamiatać, što heta takoje. Heta zachopnickaja vajna Rasii suprać Ukrainy. Ukraina maje prava abaraniacca. I heta ŭklučaje ŭ siabie ŭdary pa celach na terytoryi Rasii», — skazaŭ Stołtenbierh.
ZŠA buduć adkazvać za abaronu Polščy, Hiermanija — Litvy, Kanada — Łatvii. Staŭ viadomy płan NATA
Stołtenbierh: Nielha dapuścić zaležnaści ad Kitaja, jak heta raniej było z Rasijaj
U NATA niama płanaŭ dadatkova raźmiaščać jadziernuju zbroju ŭ krainach aljansu — Stołtenbierh