Łukašenka: Amierykancy zabaraniali absłuhoŭvać viertalot Raisi
Łukašenka siońnia na pres-kanfierencyi paśla pieramoŭ z Pucinym zakranuŭ pytańnie niadaŭniaj śmierci ŭ avijakatastrofie svajho «siabra» ź Irana, prezidenta hetaj krainy Ibrachima Raisi. Pry hetym kankretna vyznačyŭ vinavataha.
24.05.2024 / 18:35
Skrynšot ź videa
«Jak čałaviek skažu — hidkaja, ahidnaja pazicyja Złučanych Štataŭ pryviała da hetaha. Najpierš — sankcyi. Hetyja niahodniki nie mieli prava ŭvodzić sankcyi suprać sudnaŭ, suprać samalotaŭ, viertalotaŭ i inšaha, na jakich pieravoziać ludziej. U hetym ich vina ŭ tym liku.
Jany ŭsie vierniki. Nu a kali vierniki, to chaj čakajuć. Jon im dašle «otvietku». Tak siabie nie pavodziać u śviecie. I jany razam, kali pryjdzie čas, za heta adkažuć, i adkažuć spaŭna. Jany tam za akijanam nie schavajucca».
Pry hetym aburajecca Łukašenka nie prosta tak, bo jahony samalot taksama amierykanski, i taksama nie absłuhoŭvajecca vytvorcami:
«Jany ž uviali sankcyi, pa-mojmu, i suprać sudnaŭ u Rasii, i suprać nas, suprać majho, dapuścim, samalota. Uładzimira Uładzimiraviča jany nie dastanuć, tamu što ŭ jaho rasijski bort, a tut jany ŭviali hetyja sankcyi. Heta što, narmalna? Heta ž ludzi pieramiaščajucca».
Stała viadoma, chto pradstavić Minsk na pachavańni prezidenta Raisi
Syn iranskaha šacha: Spačuvańni z nahody śmierci Raisi — heta abraza pamiaci jaho achviar
Viertalot prezidenta Irana ŭrezaŭsia ŭ haru?
Iranski pasoł nazvaŭ imaviernuju pryčynu krušeńnia viertalota prezidenta Raisi
Zahinuły prezident Irana źbiraŭsia prylacieć u Biełaruś