Stała viadoma, chto syhraje Baćku Minaja ŭ biełaruska-rasijskim filmie
Jaho syhraje viadomy rasijski akcior.
24.05.2024 / 14:48
Alaksiej Kraŭčanka. Fota: domkino.tv
Viadomy rasijski akcior Alaksiej Kraŭčanka syhraje Hieroja Savieckaha Sajuza Minaja Šmyrova, viadomaha jak Baćka Minaj u novym sumiesnym prajekcie studyj «Vajenfilm» i «Biełaruśfilm», piša «Sputnik».
«Roŭna 40 hadoŭ tamu na «Biełaruśfilmie» ŭ karcinie «Idzi i hladzi» ja syhraŭ chłapčuka pa imieni Flora, jaki cudam vyžyŭ u vioscy, jakuju daščentu spalili niemcy. I ciapier mnie treba budzie syhrać Baćku Minaja», — zajaviŭ Kraŭčanka.
Baćka Minaj. Archiŭnaje fota
Hienieralny dyrektar studyi «Vajenfilm» Ihar Uholnikaŭ adznačyŭ, što natchnieńniem dla hałoŭnaha hieroja filma pasłužyła historyja sapraŭdnaha baćki Minaja, jaki pieražyŭ najciažejšyja vyprabavańni, kali jaho dziaciej uziali ŭ pałon niemcy, ale jon abraŭ šlach baraćby.
Na amierykanskim stryminhu Amazon Prime vyjšaŭ chorar pra biełaruskuju palitemihrantku ŭ ZŠA
«Biełaruśfilm» zdymaje kino pra Alaksieja Tałaja