18-hadovy syn Kadyrava staŭ prezidentam futbolnaha kłuba «Achmat»
Starejšy syn Kadyrava źmianiŭ Mahamieta Daudava (Łorda) na pasadzie kiraŭnika futbolnaha kłuba z Hroznaha
23.05.2024 / 13:49
FK «Achmat»
Syn kiraŭnika Čačni Achmat Kadyraŭ staŭ prezidentam hroźnienskaha futbolnaha kłuba «Achmat». Ab pryznačeńni 18-hadovaha Kadyrava paviedamiŭ Mahamied Daudaŭ, jaki raniej zajmaŭ hetuju pasadu.
Na minułym tydni Daudaŭ taksama abviaściŭ, što daterminova pakidaje pasadu śpikiera parłamienta Čačni, jakuju jon zajmaŭ amal dzieviać hadoŭ.
Starejšy syn Ramzana Kadyrava raniej na hetym tydni byŭ pryznačany ministram sportu Čačni, a da hetaha ŭznačalvaŭ respublikanskaje ministerstva pa spravach moładzi. Ź listapada 2023 hoda, kali Achmatu Kadyravu spoŭniłasia 18 hadoŭ, jon źmianiŭ užo treciuju pasadu va ŭradzie respubliki.
U siońniašnim siezonie rasijskaj premjer-lihi «Achmat» daterminova finišavaŭ na 10-m miescy. Sa žniŭnia 2023 hoda pa pačatak krasavika 2024 hoda hałoŭnym trenieram byŭ eks-hulec zbornaj Biełarusi Mirasłaŭ Ramaščanka.