Biełhidramiet: Naš prahnoz spraŭdžvajecca bolš čym na 96%
Načalnik «Biełhidramieta» Uładzimir Babok u prahramy «Sens žyćcia» raspavioŭ pra dakładnaść prahnozu nadvorja ad biełaruskich śpiecyjalistaŭ.
22.05.2024 / 10:44
Načalnik «Biełhidramieta» Uładzimir Babok
Na pytańnie, na kolki dzion ci tydniaŭ napierad možna zrabić dakładny prahnoz nadvorja, Babok pažartavaŭ, što «dakładny — heta paniaćcie niedakładnaje».
— «Biełhidramiet» daje sutačnyja prahnozy, daje prahnoz na troje sutak napierad. Čym na daŭžejšy termin, tym vierahodnaść jaho spraŭdžańnia stanovicca mienšaj. Heta i zrazumieła: dla taho, kab zrabić prahnoz bolš doŭhaterminovym, patrebnyja adpaviednyja mahutnaści, jakim adpaviadaje ŭzrovień abstalavańnia mieteastancyj, jakim, na žal, na dadzieny momant my nie vałodajem. Naš prahnoz u paraŭnańni z prahnozami susiednich krain zjaŭlajecca, ja b skazaŭ, samym dakładnym: zvyš 96%. Heta dastatkova vysoka.
Jon kaža, što prahnoz možna padzialić na dźvie składniki. Heta, pa-pieršaje, prahnoz sinoptyka, dzie niepasredna pracuje čałaviek, analizuje. Pa-druhoje, prahnoz heta raźlikovaja, likavaja madel, dzie raźličvaje kampjutar.
— U ciapierašni momant «Biełhidramiet» vałodaje takimi vyličalnymi mahutnaściami, jak 48 tierafłop. Mnoha heta ci mała? Dla zvyčajnaha karystalnika ličba vialikaja, dla vykarystańnia hetaha ŭ halinie hidramietearałohii heta vielmi mała.
Kiraŭnik «Biełhidramieta» źviarnuŭ uvahu na toje, što biełarusam treba bolš uvažliva stavicca da taho, adkul mienavita jany biaruć infarmacyju ab prahnozie nadvorja.
— Karystajučysia našymi infarmacyjnymi resursami, za jakija my niasiem piersanalnuju adkaznaść pierad dziaržavaj, my harantujem, što ŭ našych prahnozach, na našych infarmacyjnych resursach — infarmacyja, budziem kazać, maksimalna dakładnaja. Ja šmat zadaju pytańnie svaim znajomym-svajakam: «A dzie ty pahladzieŭ prahnoz nadvorja?» — «U telefonie» — «A chto padaŭ jaho?» — «Nie viedaju, telefon padaŭ…», — skazaŭ Uładzimir Babok, zaklikaŭšy być uvažlivym pry vybary krynic infarmacyi ab nadvorji.
Na pytańnie, jakim budzie heta leta, Babok adkazaŭ, što na siońnia nivodnaja mieteasłužba nie moža dać dakładny prahnoz na taki vialiki termin.
U Baranavickim rajonie vypaŭ mocny hrad
U nastupnyja dni budzie da +28°S
Častku Minska nakryła zaleva VIDEA