Minčuk schłusiŭ, što zhubiŭ kašalok, i zabraŭ čužy
Usio skončyłasia sudom. Ale jak pakarali chitraha minčuka?
21.05.2024 / 09:35
Ilustracyjnaje fota
34-hadovy mužčyna razam ź siabram vypivaŭ u adnoj z kaviarniaŭ. Paśla hetaha jon pajšoŭ u kramu, ale akazałasia, što zabyŭsia doma kašalok. Inšy pakupnik zaŭvažyŭ, jak minčuk abšukvaje kišeni, i spytaŭ, ci nie hublaŭ jon kašalok. Toj adkazaŭ śćviardžalna, pišuć Minsk-naviny.
Tady surazmoŭca raspavioŭ, što znajšoŭ kašalok i addaŭ jaho na infacentr. Abvinavačany adpraviŭsia tudy i zabraŭ čužoje partmane, u jakim znajšoŭ 400 rubloŭ i dyskontnyja karty.
Kala apoŭnačy jon znoŭ vyrašyŭ schadzić u tuju ž kramu, ale pry raźliku za pakupki na kasie mužčynu zatrymali.
Na sudzie vyśvietliłasia, što mužčyna raniej užo mieŭ prablemy z zakonam. Sud pryznaŭ jaho vinavatym u zavałodańni majomaściu šlacham padmanu (machlarstvie) i pryznačyŭ 360 hadzin hramadskich rabot. Taksama minčuku treba prajści prymusovaje lačeńnie ad chraničnaha ałkahalizmu.
Žychar Navahrudka pasprabavaŭ kupić u fejsbuku kvateru ŭ Turcyi. Ale ŭsio pajšło nie tak
Machlary prydumali novuju schiemu: hrošy patrabujuć za razbłakavańnie telefona
Žančyna pasprabavała schavać svaju ciažarnaść ad telefona — voś što atrymałasia