Па Магілёве зноў бегаў табун коней
У Магілёве на адной з дзіцячых пляцовак на вуліцы Куцепава заўважылі цэлы табун коней.
20.05.2024 / 15:18
Скрыншот відэа: Magilev.by
Мяркуючы па відэа ад Magilev.by, на пляцоўцы адпачывалі адразу восем жывёл. Яны адчувалі сябе як дома: адна з коней нават «купалася» ў пяску.
У Магілёве такая сітуацыя здарылася не ўпершыню. У мінулым кастрычніку па горадзе хадзіў табун з 22 коней. Як аказалася, ім валодае абшчына ромаў, якая пражывае ў пасёлку Грабянёва.