У Signal з’явілася беларуская мова
Распрацоўшчыкі месенджара Signal у апошнім абнаўленні дадалі падтрымку беларускай мовы.
19.05.2024 / 10:50
Motolkohelp
Раней Signal не падтрымліваў беларускую мову, і карыстальнікі нават стваралі асобную галіну па гэтым пытанні на Reddit.
Прэзідэнт кампаніі Signal Foundation Мэрэд Уітакер і Святлана Ціханоўская на палях Мюнхенскай канферэнцыі па бяспецы ў лютым 2024 года. Фота: прэс-служба Святланы Ціханоўскай
Больш за тое, у лютым, падчас Мюнхенскай канферэнцыі па бяспецы, Святлана Ціханоўская сустракалася з Мерэдыт Уітакер, прэзідэнткай фонду Signal, і на той сустрэчы, сярод іншага, бакі абмяркоўвалі і беларускамоўную лакалізацыю месенджара, зазначае Motolkohelp.