Futbolnaha fanata z Pastaŭ aštrafavali za razhałošvańnie piersanalnych źviestak
Sudździa suda Pastaŭskaha rajona Natalla Maksimovič 25 krasavika za razhałošvańnie piersanalnych źviestak byłoha funkcyjaniera ad sportu aštrafavała na 200 rubloŭ miascovaha futbolnaha fanata, achoŭnika kramy Juryja Katoviča, daviedałasia «Viciebskaja viasna».
18.05.2024 / 18:03
U sudzie havaryłasia pra try fakty, kali Jury ŭ supolnaści «Bel.Football-Biełaruski futboł» sacyjalnaj sietki «UKantakcie» naŭmysna raźmiaściŭ dla ŭsieahulnaha ahladu fatahrafiju, jakaja źmiaščaje piersanalnyja źviestki Dźmitryja Ivaniankova, čym nibyta niezakonna raspaŭsiudziŭ piersanalnyja źviestki apošniaha bieź jaho zhody.
Dźmitryj Ivaniankoŭ raniej pracavaŭ pres-ataše futbolnaha i chakiejnaha kłubaŭ Viciebska.
Na sudovym pasiadžeńni mužčyna kateharyčna zajaviŭ pra toje, što pravaparušeńniaŭ nie ździajśniaŭ, a tamu nie vinavaty.
Adnak sudździa Maksimovič nie pahadziłasia z pazicyjaj Katoviča i na padstavie č. 3 art. 23.7 KaAP prysudziła jamu štraf u pamiery 200 rubloŭ.
U Iŭi aštrafavali pastara. Jon pakazaŭ miedycynskuju daviedku, što nie moža siadzieć u izalatary
Znoŭ aštrafavali na bujnuju sumu Ninu Bahinskuju