Łatuška raskazaŭ, jak zabaraniaŭ repieru Siarohu vystupać, kali byŭ ministram kultury
U čym pryčyna takoj nielubovi?
19.05.2024 / 14:54
Pavieł Łatuška i Siarhiej Parchomienka (repier Siaroha)
Kiraŭnik Nacyjanalnaha antykryzisnaha ŭpraŭleńnia Pavieł Łatuška ŭ efiry «Biełsat» raskazaŭ, što ŭ svaju bytnaść ministram kultury Biełarusi (2009-2012 hady) sačyŭ za tym, kab repier Siaroha (Siarhiej Parchomienka) nie prymaŭ udzieł u imprezach, jakija finansavalisia ź dziaržaŭnaha biudžetu.
«U mianie daŭniaja historyja z hetym repieram Siaroham. Ja sam ź im asabista nie znajomy. Ale kali ja pracavaŭ ministram kultury, moža, u hodzie 2009-m ci 2010-m, ja pračytaŭ jaho vykazvańnie adnosna biełaruskaj movy. Jon vielmi abraźliva, ździekliva skazaŭ pra našu matčynu movu: što takoj movy nie isnuje, što heta štučna stvoranaja mova i što nie varta jaje padtrymlivać», —
zhadvaje Łatuška.
Paśla hetaha jon daŭ daručeńnie nie ŭklučać Siarohu ŭ kancerty, jakija arhanizujucca za dziaržaŭnyja hrošy.
«Paźniej pradziusary nie adnojčy vychodzili na mianie z prapanovaj, kab usio ž taki ŭklučyć jaho. Ja kateharyčna stajaŭ na svajoj pazicyi, i nikoli za čas majoj pracy ministram kultury repier Siaroha nie trapiŭ u kancerty, jakija finansavała Ministerstva kultury albo dziaržaŭny biudžet. Heta była maja pryncypovaja pazicyja. Kali ty naradziŭsia na Biełarusi i ździekliva stavišsia da biełaruskaj movy, to nie raźličvaj na biudžetnyja srodki hetaj dziaržavy», — śćviardžaje palityk.
U hetyja vychodnyja Siaroha vystupiŭ na fiestyvali «Kirmaš» u Hiermanii. Choć biełaruskaja apazicyja sprabavała hetamu pieraškodzić i infarmavała ŭłady Hiermanii pra asobu repiera.
Polšča pierastała vypuskać u Biełaruś luksavyja aŭto pa prośbie Łatuški?
Łatuška raskazaŭ, za što krytykuje Cichanoŭskuju
Pad ataku Bondaravaj patrapiŭ repier Siaroha. Pryčyna vielmi surjoznaja
«Čorny bumier», Palihraf ŠarykOFF, śpiavak pry Łukašenku: jak mianiałasia žyćcio repiera Siarohi