Kiraŭnica Jeŭraparłamienta raskazała, ci pryznaje Jeŭrasajuz pašpart Novaj Biełarusi
Staršynia Jeŭraparłamienta Rabierta Mietsoła ŭ intervju «Lusterku» vykazała padtrymku biełaruskamu narodu, zaklikała da novych sankcyj suprać Łukašenki i vykazała ŭpeŭnienaść, što volnaja Biełaruś pavinna być častkaj abjadnanaj Jeŭropy.
17.05.2024 / 17:20
Rabierta Mietsoła i Śviatłana Cichanoŭskaja. Fota: OSC
Akramia inšaha, Mietsoła prakamientavała inicyjatyvu z pašpartam Novaj Biełarusi.
— Alaksandr Łukašenka zabaraniŭ biełarusam, jakija žyvuć za miažoj, atrymlivać novyja pašparty bieź viartańnia ŭ krainu. Dla vielmi mnohich pajezdka dadomu aznačaje turemny termin. Ofis Śviatłany Cichanoŭskaj pracuje nad prajektam pašparta Novaj Biełarusi. Jak vy ličycie, ci jość pierśpiektyvy pryznańnia hetaha dakumienta krainami ES?
— Heta sapraŭdy pachvalny i ambicyjny prajekt. Jon vyklikaŭ šyrokuju hramadskuju zacikaŭlenaść, tamu što takim čynam biełaruskija demakratyčnyja siły sprabujuć vyrašyć prablemy, ź jakimi sutykajucca biełarusy paśla vyjezdu sa svajoj krainy.
Adnak, jak vy možacie sabie ŭjavić, realizavać hety prajekt nie tak prosta. Dla hetaha nieabchodna źvieści razam mnostva paramietraŭ, jakija nie zaŭsiody źviazanyja z rašučaściu ludziej, jakija padtrymlivajuć hety prajekt. Adnak ja całkam zhodnaja z tym, što nam nieabchodnaje ahulnaje jeŭrapiejskaje rašeńnie hetaj prablemy».
Viačorka raskazaŭ, u jakich krainach Cichanoŭskuju sustrakali z łukašenkaŭskim ściaham