Źbiehły sudździa Šmit choča atrymać biełaruskaje hramadzianstva. Ale maje adnu ŭmovu
Były sudździa Tomaš Šmit, jaki ŭciok u Biełaruś, choča atrymać biełaruskaje hramadzianstva. Jon raskazaŭ dziaržaŭnym ŚMI, što źbirajecca ŭ chutkim časie źviarnucca da Alaksandra Łukašenki z prośbaj ab nadańni palityčnaha prytułku. Nie suprać jon zajmieć i biełaruski pašpart, ale pry adnoj umovie.
17.05.2024 / 16:09
Tomaš Šmit kala Kałožskaj carkvy ŭ Hrodnie. Fota: Tomasz_Szmydt / Telegram
Šmit nastrojeny na atrymańnie biełaruskaha hramadzianstva, adnak pry adnoj umovie: kali jamu dazvolać zachavać i polskaje.
Biełaruskija zakony nie abaviazvajuć admaŭlacca ad raniejšaha hramadzianstva pry atrymańni biełaruskaha. Adnak u zakanadaŭstvie niama paniaćcia padvojnaha hramadzianstva. Heta aznačaje, što, atrymaŭšy biełaruski pašpart, Šmit na terytoryi krainy budzie traktavacca tolki jak hramadzianin Biełarusi.
U Polščy Šmit byŭ zavočna aryštavany pa padazreńni ŭ supracoŭnictvie z zamiežnymi śpiecsłužbami. Jamu pahražaje pažyćciovaje źniavoleńnie. Polskaja kontrraźviedka miarkuje, što sudździa daŭno kantaktavaŭ ź biełaruskimi śpiecsłužbami i rasijskimi ahientami ŭ Polščy.
U Biełarusi Šmita aktyŭna vykarystoŭvajuć u dziaržaŭnaj prapahandzie, jaho nazyvajuć «polskim dysidentam».
U kanałach, jakija «viadzie sudździa Šmit», śmiešnaja polskaja mova
Rasijski «ekśpiert pa rabocie śpiecsłužbaŭ» zajaviŭ, što kamunikavaŭ z sudździoj Šmitam doŭhija hady
Źbiehłaha polskaha sudździu, imavierna, pasialili ŭ Drazdach
Źbiehłaha sudździu Šmita ŭ Polščy zavočna aryštavali na 3 miesiacy