U Minsku šukajuć hruzčykaŭ na zarobak da 4000 rubloŭ
Minimalny zarobak — da 2000 rubloŭ da vyliku padatkaŭ.
17.05.2024 / 09:02
Ilustracyjnaje fota: logist4u.ru
Prapanova raźmieščana na sajcie z vakansijami rabota.by
Minimalnaja suma ad 2000 rubloŭ, ale da vyliku padatkaŭ. Supracoŭnik patrebny na poŭnuju zaniataść. Razmova pra pradpryjemstva «Koka-koła».
Pracadaŭca moža aformić čałavieka časova. Naprykład, pa damovie pasłuh abo padradu.
Hruzčyk-kamplektoŭščyk, adnak, budzie pracavać u načnuju źmienu — z 19:00 da 7:00.
U jaho abaviazki ŭvachodziać: vykanańnie pahruzačna-razhruzačnych rabot i kamplektacyja pradukcyi na paddony.
Važna najaŭnaść sanitarnaj knižki abo mahčymaść jaje zrabić, a taksama hatoŭnaść da aktyŭnaj fizičnaj pracy.
U jakaści bonusu prapanujecca prahrama łajalnaści — heta źnižki ad partnioraŭ (kafe, sport, navučańnie). Abiacajuć i arhanizacyju dastaŭki słužbovym transpartam z troch punktaŭ Mienska.